Friday, 16 February 2018

✦....► Shadi Kiye Baghair Zindagi Guzarna Mana Hai! ◄....✦

Qatadah narrated from Al-Hasan, from Samurah RadiyAllahu Anhu that: The Prophet ﷺ prohibited celibacy.

[Jami` at-Tirmidhi :: Vol. 2 :: Book 6 :: Hadith 1082]

Urdu Translation: Hazrat Samurah RadiyAllahu Anhu Farmate Hain Ke: “Nabi Akram ﷺ ne Baghair Shadi ke Rehne Se Mana Farmaya Hai.”

[Urdu Ref :: Jami` at-Tirmidhi :: Vol. 1 :: Hadith 1074, 1082]

●◗► Bawajood Istita’at ke Tajarrud ki Zindagi Guzarna aur Nikah Na Karna Shari’at Mein Sakht Na Pasndidah Aur Mamnoo Aml Hai.

✦......♥ Tang Dast Logon Ka Qarza Muaaf Karna! ♥......✦

Narrated Hudhaifa RadiyAllahu Anhu: I heard the Prophet (ﷺ) saying, "Once a man died and was asked, 'What did you use to say (or do) (in your life time)?' He replied, 'I was a businessman and used to give time to the rich to repay his debt and (used to) deduct part of the debt of the poor.' So he was forgiven (his sins.)"

[Sahih al-Bukhari :: Vol. 3 :: Book 41 :: Hadith 576, 2391]

Urdu Translation: Hazrat Hudhaifa RadiyAllahu Anhu Farmate hain ke Main ne RasoolAllah ﷺ ko ye Irshad Farmate hue Suna ke: “Aik Shaks ka Inteqal hua, (Qabr Mein) us se Sawal hua ke Tumhare Paas koi Neki hai? Us ne Kaha ke main Logon se Khareed o Farokht Karta tha (Aur Jab kisi Par mera Qarz hota) to main Maal daron ko Mohlat diya Karta tha aur Tang Daston ke Qarze Muaaf kar diya Karta tha, Chunanche is (Naik Aml) Par Us ki Bakhshish ho gayi.”

[Urdu Ref :: Sahih Bukhari :: Vol. 3 :: Hadith 2391]

🍁 Jo Aik Baar Dil Se Nikal Jaye Wo Dil Mein Dobara Jagah Nahin Bana Sakta 🍁

✦....♥ Apne Bacchon Ko Bosa Dena Sunnate Nabwi! ♥....✦

Allah's Messenger (ﷺ) kissed Al-Hasan bin `Ali RadiyAllahu Anhu while Al-Aqra' bin H`Abis at-Tamim was sitting beside him. Al-Aqra said, "I have ten children and I have never kissed anyone of them," Allah's Messenger (ﷺ) cast a look at him and said, "Whoever is not merciful to others will not be treated mercifully."

[Sahih al-Bukhari :: Vol. 8 :: Book 73 :: Hadith 26, 5997]

Urdu Translation: RasoolAllah ﷺ ne Hazrat Hasan bin Ali RadiyAllahu Anhuma ko Bosa Diya, Aap ﷺ Ke Paas Hazrat Aqra bin Habis RadiyAllahu Anhu Baithe hue the, Harat Aqra RadiyAllahu Anhu ne kaha ke Mere 10 Ladke hain aur Main ne un Mein se kisi ko Bosa Nahin diya.

Aap ﷺ ne un ki Taraf Dekha aur Farmaya: “Jo Makhluqe Khuda Par Rahem Nahin karta us Par Bhi Rahem Nahin Kiya Jata.”

[Urdu Ref :: Sahih Bukhari :: Vol. 6 :: Hadith 5997]

✦.......♥ Jayez aur Halal Mohabbat ka Izhar! ♥.......✦

●◗► Insani Mua’ashre mein Mohabbat o Mawaddat, Ijtimaiyat aur Ham Aaahangi ki Targheeb Jitni Deen-e-Islam aur Paighambare Islam ﷺ ne di hai Dunya ke kisi aur Deen ne Nahin di.

✿ Nabi Akram ﷺ ne Irshad Farmaya: “Jab Tum Mein Se Koi Apne Bhai se Mohabbat kare to Use Chahiye ke Wo Apne Bhai ko Batade (Yani Mohabbat ke Talluq ka izhar Kare).” (Jami` at-Tirmidhi: 2392)

The Messenger of Allah ﷺ said: "When one of you loves his brother, then let him inform him of it." (Jami` at-Tirmidhi: 2392)

●◗► Izhare Mohabbat se Islam Mana Nahin karta Albatta Na’Mahram Mard o Aurat ke Darmiyan Na Jayez Mohabbat, Ikhtelat aur Be Hayayi ko Haram Qarar deta hai, Insan ko Chahiye ke Wo Biwi Bacchon, Waldain aur Bahen Bhaiyyon se Toot kar Mohabbat kare aur is ka Munasib Andaz mein izhar bhi Kare, Izhare Mohabbat ka khaas Tariqah ya Tareekh tai Karna Jaise 14 February ko Valentines day Manana Bhi Yahood o Nasara ki Naqqali aur Mushabihat ki Wajah se Mamnoo hai.

💖 Lafz “Aap” Aur “Tum” Dono Ka Matlab Aik Hi Hota Hai Par Is Se Bolne Wale Ki Tarbiyat Ka Pata Chalta Hai 💖

❤️ Mithe Bol Bolne Wali Biwi Hamesha Shohar Ke Dil Ke Qareeb Rehti Hai ❤️

✦......................► Maysoos Na Hon! ◄......................✦
♥ Mushkil Aur Tang Jaga Mein Bhi Allah Ki Rehmat! ♥

(Ashab Kahf Walon ne (Aapas Mein) Kaha:)

“Chalo Ab Tum is Ghaar Mein Panah le lo, Tumhara Parwardigar Tumhare Liye Apna Daman Rehmat Phaila Dega Aur Tumhare Kaam mein Aasani Ke Asbab Muhayya Farma dega.” (Al-Quran, Surah Al-Kahf: 16)

✦......► Privacy Mein Mudakhilat Na Karen! ◄......✦

The Messenger of Allah (ﷺ) said: “One should not sit between two men except with their permission.”

[Sunan Abi Dawud :: Book 42 :: Hadith 4826, 4844]

Urdu Translation: RasoolAllah ﷺ ne Irshad Farmaya: “Do Aadmiyon ke Darmiyan Un ki Ijazat ke Baghair Na Baitha Jaye.”

[Urdu Ref :: Sunan Abi Dawud :: Vol. 3 :: Hadith 1416, 4844]

💖 Kisi Ko Muaaf Kar Ke Acche Zaroor Bano Magar Us Par Dobara Aitebar Kar Ke Bewaqoof Mat Bano 💖
✦...► Valentine Day, Be Hayayi ke Aalami Din se Mazirat! ◄...✦

It was Narrated from Anas RadiyAllahu Anhu that the Messenger of Allah (ﷺ) said: “Every religion has its distinct characteristic, and the distinct characteristic of Islam is modesty.”

[Sunan Ibn Majah :: Vol. 5 :: Book 37 :: Hadith 4181]

Urdu Translation: Hazrat Anas RadiyAllahu Anhu se Riwayat hai ke RasoolAlla ﷺ    ne Irshad Farmaya: “Beshak Har Deen Ki Koi Khaas Khaslat (Fitrat, Mizaaj Ya Pehchan) hoti hai aur Islam ki Wo Khaas Khaslat “Haya” hai.”

[Urdu Ref :: Sunan Ibn Majah :: Vol. 3 :: Hadith 1062, 4181]

 ♥ Jis Deen ki Pehchan hi ‘Haya’ ho Us Mein Be Hayayi ki Gunjayesh Nahin ♥

💖 Jo Sacche Hote Hain Wo Tehzeeb Ke Dayere Ka Lihaz Karna Bhi Jante Hain aur Sabr ke Ghoont Peena Bhi 💖
✦......▶ Mehfil Wagherah Mein Baith Kar ◀......✦
✦.........▶ Mobile Mein Mashghuliyat ◀.........✦

It was narrated from Ibn 'Abbas RadiyAllahu Anhu that: The Messenger of Allah (ﷺ) took a ring and put it on, then he said: "This distracted me from you all day, shifting my gaze from it to you (and back again)." Then he threw it away.

[Sunan an-Nasa’i :: Vol. 6 :: Book 48 :: Hadith 5291, 5289]

Urdu Translation: Hazrat Abdullah bin Abbas RadiyAllahu Anhuma se Riwayat hai ke RasoolAllah ﷺ ne Aik Anghothi Banwayi aur use Pehna, aur Phir Farmaya: "Is Anghothi ne Aaj se Meri Tawajje Tumhari Taraf se Baant di Hai, Aik Nazar ise Dekhta hun Aur Aik Nazar Tumhen”, Phir Aap ﷺ ne Wo Anghothi Utardi."

[Urdu Ref :: Sunan an-Nasa’i :: Vol. 3 :: Hadith 1590, 5291]

●◗► Majlis ke Aadab Mein se hai ke Insan Shurka Majlis aur Mehmano ko Chhod kar kisi aur Cheez mein Mashghool Na ho, Aaj kal log Mehfil Mein Shurka ko Chhod kar Dair Tak Mobile Phone aur Social Media mein Mashghul Rehte hain, Aisa Karna Khilafe Adab hai.

🍃 Jo Rishte Tumhen Takleef Den Un Se Doori Ekthiyar karlo Wo Khud Laut Aayenge, Magar us Waqt Jab Tumhare Dil se Utar Chuke Honge, Kyun Ke Wo Tumhari Qadar Se Nahin Pachtawe se Laot te hain, ► Jis Ki Di hui Takleef Se Tum Aaj Ro Rahe Ho, Wo kal Tumhare Pachtawe Mein Royega.” 🍃

Tuesday, 6 February 2018

✦......► Protocol ke Shauqeen Hazraat Ka Thikana! ◄......✦

The Messenger of Allah (ﷺ) saying: 'Whoever wishes that he be received by men standing then, let him take his seat in the Fire.'"

[Jami` at-Tirmidhi :: Vol. 5 :: Book 41 :: Hadith 2755]

Urdu Translation: RasoolAllah ﷺ ne Irshad Farmaya: “Jo Shaks ye Pasand kare ke Log (us ki Aamad Par) Us ke liye Ba Adab Khade ho Jayen to use Chahiye ke wo Apna Thikana Jahannam Mein Banale.”

[Urdu Ref :: Jami` at-Tirmidhi :: Vol.2 :: Hadith 655, 2755]

✦......► 2 Logon Ki Namaz Qubool Nahin! ◄......✦

Hazrat Abdullah bin Umar RadiyAllahu Anhu se Riwayat hai ke RasoolAllah ﷺ ne Irshad Farmaya: 2 Log Aise Hain jin ki Namazen un ke Saron se Uphar bhi Nahin Jaati (Yani Qubool Nahin hotin): 

❶ Wo Ghulam Jo Apne Aaqa se Bhag Gaya ho, Yahan Tak ke Wapas Aajaye.

❷ Wo Aurat Jo Apne Shohar ki Nafarman ho Yahan Tak Ke Wo Nafarmani se Baaz Aajaye.

[Al-Mustadrak alaa al-Sahihain Al-Hakim: 7330]

✦...........♥ Dil Jeetne Ka Nuskhah! ♥...........✦

RasoolAllah ﷺ ne Irshad Farmaya: “Tum Logon (Ke Dilon) Tak Maal ke Zariye Rasayi Hasil Nahin Kar Sakte Balke Khandah Paishani (Yani Umdah Akhlaq) Ke Zariye Tum Logon (ke Dilon) Tak Rasayi Hasil Kar Sakte ho.” (Musnad Abi Ya’la: 6550)

► Rasayi – Pahonch.

🌸 Har Shaks Ko is Qabil Hona Chahiye Ke Apni Bacchi Ka Nikah Khud Padhaye, Jo Dua Bacchi Ke Liye Baap ke Dil Se Nikle gi Wo Kisi Aur ke Dil Se Kaise Nikal Sakti Hai 🌸

✦......♥ Mukhlis Dost Naseeb Walon Ko Milta Hai! ♥......✦

Us ne Mobile uthaya aur apne Behtareen Dost se Rabta kiya aur Baghair kisi Tamheed ke kaha “Meri Ammi Jaan Sakht bimar hai Aur Mere Paas Dawa ke liye Paise Nahin hai.” Dost ne us ki Baat Puri hone se Pehle Jawab diya “Tum mujh se Asr ke Baad Rabta karo..” Aur Call ko Munqate kardi. Us ne Asr ke baad Dost ka Number Milaya to Phone band mila, Ab wo bechain ho Gaya aur Apni Maa ke dawa ke Husoosl ke liye kayi Nakam koshishen Karne ke Baad Jhuke hue Sir aur Dukhe hue Dil ke Sath Ghar Wapas gaya, Mukhtalif Andeshon mein Ghira hua jab Apni Waldah ke kamre mein Dakhil hua to wo Pur sukoon Neend so Rahi hai, aur Dawa ka Thaila un ke Sarhane Rakha hai, Us ne Apni Bahen se Pucha “Ammi Jaan ki Dawa kon Laya? Bahen ne Jawab diya “Aap ke Fulan Dost.”

●◗► Wo Fauran Ghar se Nikla aur usi Dost ke ghar Pohncha us se mila, Purnam Aankhon se us ka Shukriya Ada kiya “Main ne Asr ke baad Aap se Rabta kiya lekin Aap ka Phone Band mil Raha tha? “Dost ne us ke kandhe Par Hath Rakhte hue Kaha main ne Mobile Bech diya aur us Raqam se Aap ki Waldah ki Dawa khareed li.” Dosti Qurbani ka Naam hai, Aap Dunya ke Ameer Tareen insan hain Agar Aap ke Paas Aik Mukhlis Dost hai, Aise Dost ki Qadar kijiye, Use khone na Dijiye.

❤️ Hazaron Aaib Hain Mujh Mein Mujhe Maloom Hai Ye Bhi, Magar Aik Shaks Hai Nadaan Mujhe Anmol Kehta Hai ❤️

✦...........► Suraj aur Chand Grahan ◄...........✦
✦....► Qudrate Khudawandi Ki Nishani ◄....✦

The Messenger of Allah (ﷺ) said: The sun and the moon are two signs among the signs of Allah These do not eclipse either on the death of anyone or on his birth. So when you see them, hasten to prayer.

[Sahih Muslim :: Book 4 :: Hadith 1966, 901]

Urdu Translation: RasoolAllah ﷺ ne Irshad Farmaya: “Beshak Suraj aur Chand Allah ki Nishaniyon mein se Do Nishaniyan Hain, Kisi ke Marne Jine se un ko Grahan Nahin Lagta Pus Jab Tum in Nishaniyon ko Dekho to Namaz Padho.”

[Urdu Ref :: Sahih Muslim :: Vol. 2 :: Hadith 2089]

 ●◗► Suraj aur Chand Grahan ke Waqt 2 Rakat Namaz Masnoon hai, Suraj Grahan ki Namaz ko “Namaze Kusoof” aur Chand Grahan ki Namaz ko “Namaze Khusoof” Kaha jata hai, Aaj (31-01-2018) Chand Grahan hai Lehaza Ahle Hindustan 2 Rakat Namaz Infiradi Taur Par Baghair Jamat ke Padhe aur Taubah Astaghfar ka Ehtemam Karen.

🌸 Bahot Masoom Hote Hain Wo Log Jo Dair Se Roothte Hain Aur Jaldi Maan Jate Hain 🌸

✦.....♥ Bewaon aur Miskinon Ke Kaam Aane Wale! ♥.....✦

The Prophet (ﷺ) said: "The one who looks after a widow or a poor person is like a Mujahid (warrior) who fights for Allah's Cause, or like him who performs prayers all the night and fasts all the day."

[Sahih al-Bukhari :: Vol. 7 :: Book 64 :: Hadith 265, 5353]

Urdu Translation: Nabi Akram ﷺ ne Irshad Farmaya: “Bewaon Aur Miskeenon ke Kaam Aane Wala Allah ke Raste Mein Jihad karne Wale ke Barabar hai, Ya Raat bhar Ibadat aur Din ko Roze Rakhne Wale ke Barabar hai.”

[Urdu Ref :: Sahih Bukhari :: Vol. 7:: Hadith 5353]

💖 Dunya Ke Sabhi Log Khoobsurat Hain Badsoorti Hamare Rawayyon Aur Sonch Mein Hai..!! 💖

✦....♥ Jo Apne Liye Pasand Karen Wahi Dusron Ke Liye Bhi! ♥....✦

The Prophet (ﷺ) said, "None of you will have faith till he wishes for his (Muslim) brother what he likes for himself."

[Sahih al-Bukhari :: Vol. 1 :: Book 2 :: Hadith 13]

Urdu Translation: Nabi Akram ﷺ ne Irshad Farmaya:  “Tum Mein se Koi Shaks us Waqt Tak Kamil Imaan Wala Nahin ho Sakta Jab tak ke Wo Apne Bhai ke Liye bhi Wahi Kuch Pasand Na Kare Jo wo Apne Liye Pasand Karta ho.”

[Urdu Ref :: Sahih Bukhari :: Vol. 1 :: Hadith 13]

❣️ WhatsApp Ho Ya Zindagi Log Hamesha Status Hi Dekhte Hain❣️

✦.....► Dunya Mein Bhi Pakad Aur Aakhirat Mein Bhi! ◄.....✦

The Messenger of Allah (ﷺ) said: "There is no sin more worthy of Allah hastening the punishment upon its practitioner in the world – along with what is in store for him in the Hereafter – than tyranny and severing the ties of kinship.”

[Jami` at-Tirmidhi :: Vol. 4 :: Book 11 :: Hadith 2511]

Urdu Translation: RasoolAllah (ﷺ) ne Irshad Farmaya: “Baghawat aur Rishte Nate Todne ke Alawah koi Gunah Aisa Nahin ke Allah Ta’ala us ke karne Wale ko Dunya Mein bhi Jald Saza Den (aur) Aakhirat mein bhi us ke liye Azab Tayyar Rakhen.”

[Urdu Ref :: Jami` at-Tirmidhi :: Vol. 2 :: Hadith 400]

Sunday, 28 January 2018

✦........♥ Sharm O Haya Ki Diwaren! ♥........✦

“Dada Ji Kehte Hain ke Hamare Daur Mein Gharon ki Diwaren Nahin hoti Thi, Agar thi bhi to Bahot Choti!!!”

Us Zamane ke Waldain Bacchon ki Tarbiyat aisi karte the ke Dilon mein Sharm o Haya ki Aisi Diwar Banti thi Jise koi Uboor Nahin kar sakta tha, Aaj Logon ne Gharon ki Diwaren to Unchi karlin Lekin Aulad ke Dilon mein Sharm o Haya ki Diwaar Banane mein Nakaam Rahe, Natija ye nikla ke Diwaren unchi Hone ke Bawajood bhi Ghar, Chadar aur Char Diwari ka Taqaddus Mahfooz Nahin Raha.

Allah Bacchon ki Durust Tarbiyat Karne ki Hamen Toufeeq Naseeb Farmaye!

✦…......♥ Maa ke Baad Khala Ka Moqam ♥…......✦

Narrated from Ibn 'Umar RadiyAllahu Anhu: A man came to the Prophet (Sallallahu Alaihi Wasallam) and said: "O Messenger of Allah! I have been afflicted by a tremendous sin. Is there any repentance for me?"

He (ﷺ) said: "Do you have your mother?" The man said: "No."
He (ﷺ) said: "Do you have any maternal aunts?" The man said: "Yes."
He (ﷺ) said: "Then be dutiful to them."

[Jami at-Tirmidhi :: Vol. 1 :: Book 1 :: Hadith 1904]

●════════════════◄►═══════════════●

Urdu Translation: Hazrat Ibn Umar RadiyAllahu Anhuma se Riwayat hai ke Aik Shaks RasoolAllah ﷺ ki khidmat mein hazir hua aur Arz kiya: "Ya RasoolAllah ﷺ! Main ne Aik bahot bada Gunah kiya hai, Kya meri Toba Qubool ho sakti hai?

Aap ﷺ ne Pucha: Tumhari Maa Zindah Hain? Us ne Arz kiya: Maa to Zindah Nahin.
Aap ﷺ ne Farmaya: To kya Tumhari koi Khala hai? Us ne Arz kiya: Ji han Khala Maujood Hain.
Aap ﷺ ne Irshad Farmaya: "Khala ki Khidmat aur Un ke Sath Accha Sulook karo (is ki Wajah se Tumhari Tauba Qubool Ho Jayegi)."

[Urdu Ref :: Jami at-Tirmidhi :: Vol. 1 :: Hadith 1966, 1904]

🌸 Yaad Wo Nahin Jo Tanhayi Mein Aaye Balke Yaad To Wo Hai Jo Mehfil Mein Aaye Aur Tanha Kar Jaye 🌸

✦..........► Aitidal Se Kharch Karen! ◄..........✦

⇨ "And let not your hand be tied (like a miser) to your neck, nor stretch it forth to its utmost reach (like a spendthrift), so that you become blameworthy and in severe poverty.” (Al-Quran, Surah Bani Israel: 29)

⇨ Irshade Khudawandi Hai: “Aur Na to Aise Kanjoos Bano ke Apne Hath ko Gardan se Baandh kar Rakho aur Na Aise Fuzool Kharch ke Hath ko Bilkul hi Khula Chhod do, Jis ke Natije mein Tumhe Qabile Malamat aur Qalash ho kar Baithna Pade.”  (Al-Quran, Surah Bani Israel: 29)

Qalash – Ghareeb, Kangaal.

❤️ Allah Ki Di Hui Nematon Mein Sab Se Azeem Nemat Beti Hai ❤️

✦..........► Jhoot Ki Nahoosat ◄..........✦

Ibn 'Umar RadiyAllahu Anhu Narrated that the Messenger of Allah (ﷺ) said: "When the slave (of Allah) lies, the angel goes a mile away from him because of the stench of what he has done."

[Jami` at-Tirmidhi :: Vol. 4 :: Book 1 :: Hadith 1972]

Urdu Translation: Hazrat Abdullah bin Umar RadiyAllahu Anhuma se Riwayat hai ke RasoolAllah (ﷺ) ne Farmaya: “Jab Koi Jhoot Bolta Hai to Jhoot ki Badboo Ki Waja se (Rehmat ka) Farishta Aik Meel Door Chala Jata hai.”

[Urdu Ref :: Jami` at-Tirmidhi :: Vol. 1 :: Hadith 2037, 1972]

💖 Khush Qismat Hai Wo Log Jo Dusron Ke Aansuon Ko Muskurahat Mein Tabdeel Karne Ka Fun Jante Hain 💖

✦.......♥  Nazre Bad Ke Bajaye Nazre Khair! ♥.......✦

Kitni Ba Barkat Aankh hai Jo kisi ki Acchi Cheez Dekh kar Hasad karne aur Nazar Lagane ke Bajaye ye Kahe:

'MashaAllah La Quwwata illa Billah', 'MashaAllah TabarakAllah'

 Aur Phir Dil ki Gahrayyon se ye Dua bhi Kare: “Allah Ta’ala Aap ki is Nemat Mein Barkat Ata Farmayen Aur Aap ko Mazeed Nematon se Nawazen.” (Aameen)

✦........♥ Gaye Ke Doodh Ke Fawayed! ♥........✦

The Messenger of Allah (ﷺ) said: “Treat yourselves with the milk of cows, I hope that Allah (may He be exulted) will make it a cure for every disease, because the cows eat from all sorts of plants.”

Urdu Translation: RasoolAllah ﷺ ne Irshad Farmaya: “Gaye ka Doodh Istemal Kiya Karo! Kyun ke Wo Har Qism ke Darakhton aur Paodon se Charti hai Jis ke Baa’is us ke Doodh mein Shifa hai.”

[Al-Mustadrak alaa al-Sahihain Al-Hakim: 8224] [Recorded by al-hakim and at-Tabarani (in Kabir).  Verified to be hasan by al-Albani, Sahih ul-Jami no. 2929 and as-Sahihah no 1943]

✦.......► Bete Aur Betiyon Ki Taqseem ◄......✦
✦........♥ Mashiyate Ilahi Ka Mazhar ♥........✦

“Sare Aasmanon Aur Zameen ki Saltanat Allah hi ki hai, Wo Jo Chahta hai Paida Karta hai,

● Wo Jis ko Chahta hai Ladkiyan Deta hai,
● Aur Jis ko Chahta hai Ladke Deta hai,
● Ya Phir Un ko Mila Jula kar Ladke bhi Deta hai aur Ladkiyan bhi,
● Aur Jis ko Chahta hai Baanjh bana Deta hai,
Yaqeenan wo Ilm ka Malik bhi hai aur Qudrat ka Malik bhi.”

(Al-Quran, Ash-Shuraa: 49, 50)

●════════════════◄►═══════════════●

⇨ "To Allah belongs the dominion of the heavens and the earth; He creates what he wills. He gives to whom He wills female [children], and He gives to whom He wills males. Or He makes them [both] males and females, and He renders whom He wills barren. Indeed, He is Knowing and Competent.” (Al-Quran, Ash-Shuraa: 49, 50)

🌸 Har Shaks Ko is Qabil Hona Chahiye ke Apne Walid Ka Janazah Khud Padhaye, Jo Dua Baap ke Liye Bete ke Dil se Nikle gi Wo Kisi Aur Ke Dil Se Nahin Nikal Sakti 🌸

❤️ Chehra Jaisa Bhi Ho Dil Haseen Hona Chahiye ❤️

✦.....► Sadma Pahochne Ke Fauran Baad Sabr! ◄.....✦

The Prophet (ﷺ) said, "The real patience is at the first stroke of a calamity."

[Sahih al-Bukhari :: Vol. 2 :: Book 23 :: Hadith 389, 1302]

Urdu Translation: RasoolAllah ﷺ ne Irshad Farmaya: “Sabr to Wahi hai Jo Sadma ke Shuru Mein Kiya Jaye.”

[Urdu Ref :: Sahih Bukhari :: Vol. 2 :: Hadith 1302]

●◗► Kisi Na Gahaani Aafat ya Afsos Naak Waqiye ke Fauran Baad ya kisi ki Maut Wagherah ki khabar Sunte hi Shor Sharaba, Sina kobi aur Noha khuani se Bachte hue Allah ke Faisle Par Razi raha Jaye, Sawab ki Ummid Rakhi Jaye aur Sabr kiya Jaye, Yahi Asal Sabr hai, Warna kuch Waqt guzarne ke Baad to Ranj o Gham ke Asraat khud ba khud Zayel ho Jate hain aur Tabyi taur Par Sabr Aahi Jata hai.

💖 Rabte Bata Dete Hain Ke Dil Mein Kitni Qadr Hai, Kehne Ko To Sabhi Apne Hote Hain 💖

●◗► Ambulance Mein Mareez ho ya Ambulance Khali ho Use Har Surat mein Raasta dena Chahiye, Ambulance ya to Kisi Mareez ko lekar Ja Rahi hogi Ya kisi Mareez aur Zakhmi ko Lene Ja rahi hogi, Insani Jaan Bachane mein Apna Kirdar Ada Karen!

💖 Main Har Kisi Ke Liye Khud Ko Accha Sabit Nahin Karta, Main Un Ke Liye Anmol Hun Jo Mujhe Samajhte Hain 💖

✦..► Azdwaji Zindagi Par “Smart Phone” Ke Muzar Asrat! ◄..✦

●◗► Miyan Biwi ko Ghar Mein Mobile Phone istemal Karne ka Aik Makhsoos Waqt Mutayyan kar lena Chahiye ke Jis ke Baad Donon Mobile Phone ya koi Social Media App Istemal na Karen.

Yaad Rakhen! Social Life se Zyadah Zaroori Aap ki “Azdwaji Zindagi” hai Jise Bahot sa Waqt dene ki Zarurat hai, Agar Sari Dunya se Rabta ho Magar Paas Baithe bhi “Door” hon to Kis Qadar Dukh ki Baat hai.

🌸 Aap Jitna Zyadah Waqt Quran Ki Tilawat Mein Kharch Karenge Aap Ke Waqt Mein Itni Hi Barkat Hogi, Aazmayesh Shart Hai, Aaj Hi Aazmakar Dekhen 🌸

✦...► Qabr Ko Pukhta Karna Aur Us Par Imarat Banana! ◄...✦

Jabir said RadiyAllahu Anhu: Allah's Messenger (ﷺ) forbade that the graves should be plastered or they be used as sitting places (for the people), or a building should be built over them."

[Sahih Muslim :: Book 4 :: Hadith 2116, 970]

Urdu Translation: Hazrat Jabir RadiyAllahu Anh Farmate hain ke RasoolAllah (ﷺ) ne Qabron ko Pukhta Banane, Un par Baithne aur Un Par Imarat Banane se Mana Farmaya.”

[Urdu Ref :: Sahih Muslim :: Vol. 2 :: Hadith 2245, 2289]

✦........♥ Shareeke Hayat Ki Tareef! ♥........✦

Ahliya kisi Baat par Naraz thi…Khawind ne Narazgi Door karne ke Liye Kaha:

“Tum Dunya Ki Doosri Behtareen Aourat Ho.”

Ahliya ne Fauran Karkh Lehje Mein Sawaal kiya: To Pehli kon hai??? Khawind ne Jawab diya: “Tum, Magar Jab Muskurao.”

Ye Sun kar Narazgi ke Aasaar Khatam aur Ahliya ke Chehre Pe Muskurahat Phail Gayi. ♥

💖 Aik Mard Jab Baap ka Darja Paata Hai to Dus Guna Zyadah Wafa Karne Wala, Mohabbat Karne Wala Aur Khayal Karne Wala Insan Ban Jata Hai 💖

✦......► Betiyon ki Hifazat Ka Sirf Aik Raasta! ◄......✦

●◗► Maal o Jaan ka Tahaffuz aur Sab se badh kar ye ke Bahen Betiyon ki izzat o Paakdamni ka Tahaffuz usi surat mein ho Sakta hai ke Mulk mein Islami Hudood, Qisas aur Sazaon ko Naik Niyyati ke sath Nafiz kiya jaye, Aankh ke badle Aankh, Kaan ke badle Kaan, Naak ke Badle Naak aur Jaan ke badle Jaan ka Munsifana Qurani Faisle par har Qism ke Tabqati Imtiyazat se Baala tar ho kar Aml dar Aamad shuru kar diya jaye, Sharab khane band aur Sharabiyon ko Sare Aam kode mare Jayen, Zina ke Addon ko Masmar aur Zaniyon ko kode Lagaye jayen ya Unhen Sangsaar kiya jaye, Fahashi o Uryani Phailane walon ko Sare Aam sakht Tareen Sazayen di jayen, Choron ke hath kate jayen, Dakuon ke hath Pair kaat kar unhen Nishane ibrat Banaya Jaye….Aur jo log Darje bala Islami aur Qurani sazaon ki Raah mein Rukawat banen unhen Pyar o Mohabbat se Samjhaya jaye aur Hat dharmi ka Muzaherah karne Walon ke Sath Sakhti se Nimta Jaye.



💖 Dua Ki Qubuliyat Aawaz Ki Bulandi Nahin Balke Dil ki Tadap Ka Taqaza Karti hai, Kyun Ke Dua Sirf Alfaz ka Majmua Nahin, Rooh Ki Talab Aur Kaifiyat Ka Naam Hai 💖

🌸 Aurat Kitni Bhi Bahadur Ho Kitna Bhi Zabt Karna Janti Ho Magar Wo Aik Nigah Aisi Zaroor Chahti Hai Jo Dekhte Hi Jaan Le ke Aankhen Thakan Se Laal hai Ya Zabt Se 🌸

✦.......► Sare Aam Gunah Karne Ka Wabal ◄.......✦

Narrated Abu Huraira RadiyAllahu Anhu: I heard Allah's Messenger (ﷺ) saying. "All the sins of my followers will be forgiven except those of the Mujahirin (those who commit a sin openly or disclose their sins to the people).

[Sahih Bukhari :: Vol. 8 :: Book 73 :: Hadith 95, 6069]

Urdu Translation: Hazrat Abu Huraira RadiyAllahu Anhu se Riwayat hai ke Maine RasoolAllah (ﷺ) ko ye Farmate hue Suna: “Meri Poori Ummat Muaaf Kar di Jayegi Lekin Khullam Khulla Gunah Karne Walon Ko Muaaf Nahin Kiya Jayega.”

[Urdu Ref :: Sahih Bukhari :: Vol. 7 :: Hadith 6069]